Në një konferencë të sapo dhënë për shtyp, kryetarja e LSI-së Monika Kryemadhi ka sqaruar më tej çështjen korruptive të evazionit fiskal, kryer për llogari të kompanisë së inceneratorëve nga 24 kompanitë fantazmë.
Kryemadhi solli në vëmendje se, po si e moshuara Haxhire Gurakuqi, edhe Thanas Cani nuk është aspak në dijeni të kompanisë që posedon, duke mos pasur natyrisht asnjë lidhje me të. Kryemadhi tha mes të tjerave se dy të moshuarit nuk janë të vetmit që nuk janë në dijeni e që u është vjedhur identiteti, por se mes individëve të përfshirë në këtë situatë, nuk janë të paktë ata që nuk kanë dijeni seç është bërë në emër tyre.
Në deklaratën e saj, Kryemadhi bën me dije se zyra e Krimit Ekonomik ka qenë në dijeni që në 2019- për vjedhjen e identitetit të të moshuarit Thanas Cani, por nuk e ka vënë aspak ata në dijeni mbi faktin.
Një sqarim tjetër për sa u takon pensionistëve, që në fakt janë me të drejtë të shqetësuar, tha Kryemadhi. Sapo jam ndarë me djalin e Thanas Çanit, dhe jo vetëm që nuk kanë ide për një gjë të tillë, por në 2019 janë thirrur nga Krimi Ekonomik në Policinë e Tiranës, për një faturë 300 milionë lekësh, për evazion fiskal. Edhe pse krimi ekonomik e ka thirrur në 2019, sërish nuk e kanë njoftuar që atë e kishin përdorur. Thjesht e kanë thirrur të firmosë atë që kishin nevojë dhe kaq. Tjetër gjë, është që edhe në kontratën tjetër, të dyja janë të panoterizuara, firma nuk është e Thanas Canit dhe si këto fatura me nga 50 milionë të vjetra, për Intergrejtin, inceneratorin, nga 24 kompanitë, janë prerë me mijëra. Por nuk janë vetëmkëta pensionistë. Do shihni që janë shumë që nuk janë në dijeni. U është marrë karta e identitetit u janë vjedhur të dhënat… dhe ata nuk janë në dijeni, tha mes të tjerave kryetarja e LSI-së Monika Kryemadhi, në deklaratën e saj.
