Duket se një tjetër skandal me të moshuarit e azileve dhe përdorimin e tyre nëpër skema mashtrimi, po del në pah sidomos pas intervistës së bërë prej Syrit tv, me 90 vjeçaren e pretenduar si pronarja e një prej firmave nënkontraktore të inceneratorëve, pjesë evazionit fiskal kryer me kompanitë e inceneratorëve, paditur sot prek kryetares së LSI-së Monika Kryemadhi.
E moshuara Haxhire Gurakuqi, në një intervistë të gjatë për Syri.tv, ka deklaruar se nuk ka qenë aspak në dijeni se ishte pronare e sidomos me një të atillë pasuri. Përpara mikrofonit të gazetares, ajo rrëfeu se vinte nga Rrësheni, se kishte një djalë me të cilin kishte pasur mosmarrëveshje për hir të nuses, se kishte jetuar e vetme me qira deri në tërmetin e nëntorit të 2019-s, e aktualisht ndodhet në azil, pa më të voglën e idesë mbi sap o e informonte gazetarja.
E moshuara rrëfeu përpara kamerës se nuk njeh asnjë nga emrat e përmendur prej gazetares, e se i vetmi episod kur ajo kishte frimosur një letër, kishte qenë ai në prani të drejtorit të azilit, kur dy persona i ishin paraqitur si të prokurorisë, gjasme për paratë që i kishin bllokuar.
Ditën e sotme kryetarja e LSI-së Monika Kryemadhi, ka bërë apel për hetimin nga SPAK të evazionit fiskal shpjeguar prej saj, ku kompani fiktive nënkoktraktore, merrnin para publike, i qarkullonin dhe i nxirrnin nga tregu për t’i shpënë në ofshore e për t’i përdorur më pas për të blerë votat. Emri i Haxhire Gurakuqit, ishte mes personave pronarë të këtyre kompanive fiktive, e cila, së bashku me një tjetër 90 vjeçar, Thanas Çani, kishin blerë kompaninë “Lumi 06” pas kryerjes së evazionit fiskal.
