Monedha europiane sapo ka zbritur për herë të parë që prej vitit 2002 nën dollarin amerikan, duke pasur kështu vlerën e 0,9998.
Ekspertët e ekonomisë e shohin këtë rënie si tejet problematike, duke renditur si faktorë kyc të rënies së saj, embargot e vendosura prej Europës ndaj Rusisë për hir të luftës në Ukrainë, e po ashtu edhe vonesën e Bankës qendrore Europiane në ngritjen e përqindjeve të interesit përgjatë kësaj kohe.
Sipas analistëve të “Mizuho”, “kjo rënie dhe barazi e euros me dollarin amerikan po ndodh për shkak se recesioni në eurozonë e ka një cmim, duke theksuar po ashtu edhe se konteksti aktual sugjeron pak për përmirësimin e situatës.
Ndërkohë “SG Futures” e ka cilësuar një gjë të tillë si katastrofë për Evropën, sepse importi i energjisë rrezikon të shtrenjtohet edhe më tepër, duke thelluar kështu edhe më tepër krizën.
Por, po sipas analistëve të ekonomisë, dobësimi i monedhës europiane ka avantazhet dhe disavantazhet e veta. Nëse nga njëra anë thonë ata mund të jetë një nxitës për turistët e huaj dhe për industritë eksportuese europiane (që mund të shesin në tregun amerikam me cmime me të ulëta duke realizuar fitime më të mëdha), nga ana tjetër nënkupton edhe rritjen e cmimit të lëndëve të para, tregtuar përherë në dollarë, cka nënkupton edhe rritjen e kostos së prodhimit. Parashikimi i saktë sipas tyre në këtë kontekst bëhet edhe më i vështirë, për shkak të gazsjellësit Nord Stream 1, eksportuesit më të madh të gazit nga Rusia në Evropë, i cili, teksa ka nisur punimet vjetore të mirëmbajtjes që zgjasin pak a shumë dhjetë ditë, nuk dihet në do të nisë sërish puënë më 21 korrik, kur edhe e ka të parashikuar.
