Enkelejd Alibeaj do të marrë përkohësisht drejtimin e Partisë Demokratike. Lajmin e ka bërë me dijê Sekretari i Përgjithshëm i PD-sē Gazmend Bardhi, përmes një deklarate ky thuhej se kryetar i përkohshëm, tashmë do të ishte Alibeaj.
“Pasi jam njohur me deklaratën e Kryetarit të Partisë z. Lulzim Basha se ka vendosur të hedhë një hap pas duke u dorëhequr nga detyra e kryetarit të PD për të ndihmuar në ringritjen e PD, kam thirrur në një takim urgjent pune për të diskutuar për situatën Nënkryetarët e Partisë znj. Jorida Tabaku dhe z. Enkelejd Alibeaj, si dhe Kryetaren e Këshillit Kombëtar të PD znj. Arta Sakja.
Në mbështetje të Statutit të Partisë dhe për të mos krijuar asnjë vakuum në drejtimin e Partisë në këtë moment të vështirë dhe specifik, kam konsultuar të dy Nënkryetarët me qëllim paraqitjen për zgjedhjen menjëherë nga Këshilli Kombëtar të komandimit të njërit prej tyre për drejtimin e Partisë.
Në takim kam marrë konfirmimin e Nënkryetares znj. Tabaku se heq dorë nga e drejta statutore për t’u propozuar në Këshillin Kombëtar për drejtimin e Partisë. Për pasojë, në përputhje me nenit 46 të Statutit, drejtimi i partisë në këtë periudhë tranzitore, deri në vendimmarrjen e institucioneve të partisë, do të behet nga Nënkryetari i Partisë dhe Kryetari i Grupit Parlamentar z. Enkelejd Alibeaj”, bëri të ditur Gazmend Bardhi.
Ndërkaq në një dalje pas deklaratës së dorëheqjes së Bashës, Alibeaj theksoi se ishin orientuar strukturat në PD për ngritjen e një komisioni, që do të negocionte pajtimin e demokratëve
