Dikur miss Turizmi 2018 në Hungari dhe një prej pjesëmarrëseve në mis Univers, modelja hungareze Greta Gila, i ka kërkuar shtetit Italian dëmshpërblim prej 100 mijë eurosh për shkak të arrestimit dhe mbajtjes me pa të drejtë në burg, duke i shkatërruar punë dhe imazhi.
Më 2019-n, siç tregon modelja, ajo qe nisur për në Japoni për një shërbim fotografik dhe kishte bërë një ndalesë të shkurtër në Romë, ku qe takuar me agjentin e agjencisë me të cilin do të kryente shërbimin fotografik.
Pas largimit të tij, Gila ndalohet nga policia italiane, arrestohet dhe mbahet tre muaj në qeli me akuzën e shpërndarëses së drogës. Pas tre muajve beteja përmes avokatit të saj, gjykata italiane i kërkon ndjesë dhe e deklaron të pafajshme.
Aktualisht, ajo e ka shpënë cështjen në Gjykatën e Apelit, ku i kërkon edhe 100 mijë euro dëmshpërblim shtetit Italian, për humbjen e punës dhe prishjen e imazhit.
