Ka dhënë detaje interesante mbi divorcin e saj me Brad Pitt aktorja e njohur hollivudiane Angelina Jolie, gjatë një interviste për The Guardian.
Ka shumë gjëra për të cilat nuk mund të flas. Jemi ende në gjyq, tha në fillim të intervistës aktorja, duke u përpjegur të mos rrëfente shumë mbi argumentin në fjalë. Por më pas ajo rrëfeu se e kishte bërë për të gjithë familjen. Po, e bëra për të gjithë familjen. Kam vuajtur vite të vështira dhe ende nuk e kam marrë veten prej tyre, por dëshiroj që familja ime të jetë mirë, përfshi edhe babanë e fëmijë të mi, tha ajo.
Aktorja amerikane shpjegoi se vendimi për t’u ndarë nga babai i fëmijëve të saj nuk kishte qenë I thjeshtë. Nuk jam tipi i njeriut që merr vendime si ky që m’u desh të merrja. Por m’u desh shumë për të mbërritur në momentin kur më duhej të ndahesha prej babait të fëmijëve të mi.
Jolie rrëfeu në këtë intervistë se ka kaluar një jetë të tërë në përpjekje për të mbrojtur të miturit nga abuzimet, pa menduar se probleme të ngjashme mund të ishin të pranishme edhe në familjen e saj. Shpesh nuk arrin t’i shohësh hallet personale, sidomos nëse përqendrohesh në padrejtësi më të mëdha botërore, sepse të tjerat të duken të vogla. Është kaq e vështirë, rrëfeu Jolie në intervistën e saj.
