Yaryna Arieva e Sviatoslav Fursin janë dy të rinj ukrainas, që fati i lidhi në martesë vetëm pak orë pasi Rusia kishte nisur pushtimin e vendit të tyre.
Ndryshe nga ciftet e tjera, që gëzojnë muajin e mjaltit, ose të paktën një pushim, Yaryna Arieva e Sviatoslav Fursin e kaluan ditën e tyre të parë të martesës, duke rrëmbyer armët në mbrojtje të atdheut.
Martesa duhej të ishte kryer që në maj në fakt, por cifti nuk kishte qenë i sigurt mbi atë që mund t’u siguronte e ardhmja.
Të dy, u bënë ndërkaq pjesë e Forcave të Mbrojtjes territorial, degë e Forcave të Armatosura ukrainase, që fillimisht përbehej prej vullnetarëve. Me t’u armatosur, çifti shkoi në zyrën e partisë politike që i përkisnin, Solidaritetit Europian, dhe qendroi aty, i vendosur të mbronte atdheun.
“Tani jemi këtu dhe po bëjmë ç’është e mundur”, u shpreh për mediat e huaja Arieva. “Shpresoj të shkojë mirë”, shtoi, duke rrëfyer se me pushkë qenë pajisur të gjithë, edhe ata që nuk bënin pjesë në forcat e mbrojtjes.
