Ka dhënë dorëheqjen nga kreu i partisë së vet, kreu i qeverisë maqedonase Zoran Zaev.
Zaev e deklaroi dorëheqjen të dielën në mbrëmje, kur partia e tij, Bashkimi SocialDemokrat, u pa se po humbiste në zgjedhjet lokale.
Marr përgjegjësinë për këto rezultate, tha Zaev në një konferencë për shtyp përpara selisë së partisë. Solla liri e demokraci, e demokraci do të thotë të marrësh edhe përgjegjësi, u shpreh ai.
Sipas të dhënave paraprake, në kryeqytetin e Maqedonisë, Shkup, Danela Asovska, kandidate për kryebashkiake e opozitës mori 55.85 % të votave, ndërkohë që kryebashkiaku në ikje, socialdemokrati Petre Sigelov, mori vetëm 40.6% të tyre.
Sipas ekspertëve, kjo humbje elektorale mund të shkaktojë edhe një tronditje të koalicionit në fuqi, për shkak se partia e Zaev ka një maxhorancë prej 62 vendesh, nga 120, me partnerët e koalicioneve më të vogla të pakicës shqiptare në vend.
Partia kryesore e opozitës, VMRO-DPMNE e qendrës së fjathtë, duket se është e destinuar ta fitojë garën në 80 bashki, ndërkohë që socialdemokratët mund të përfundojnë duke fituar më pak se 20.
Zaev u zgjodh kryeministër në 2017n. Fitorja e tij erdhi pas 10 viteve në pushtet të Nicola Gruesvski-t, largimi i të cilit erdhi për shkak të një skandali përgjimesh, zbuluar prej Zaev-it.
