Kreu aktual Partisë Demokratike të Reformuar, por njëkohësosht edhe lideri historik I Partisë Demokratike Sali Berisha, ka njoftuar në fejsbukun e tij një protestë madhështore në orën 12, në bulevardin “Dëshmorët e Kombit”.
Dje në mbrëmje, përgjatë një interviste në Top Channel, Berisha ftoi të tërë simpatizantët dhe mbështetësit e PD-së të vinin në Tiranë për t’iu bashkuar kësaj proteste.
Kushdo që mundet dhe ka mundësinë më të vogël nga mbarë Shqipëria, të nisen sonte drejt tiranës, për të përmbushur këtë mission të madhe e të rëndësishëm, pjesëmarrjen në protestën më të rëndësishme, në mbrojtjeve të vlerave dhe të ardhmes sonë, tha mes të tjerave Berisha. Skenari do të shpaloset insitu, në vend, por popullin opozitar, patriot e të ndershëm, nuk ka forcë që do mund t’I pengojë, për të qenë të pranishëm në protestën më të madhe që ka njohur historia. Policia po sillet si vasale e regjimit të narkoshtetit. Policisë I them zbato ligjin. Ne do batojmë ligjin, por nëse shkel ligjin dhe kushtetutën, do përballesh me pasojat e kësaj shkeljeje. Ky është qendrimi ynë. Ne jemi nesër në një protestë për të paraqitur zërin tonë. Për të gjitha të tjerat, përgjegjësia bie mbi Edi Ramën. Por Edi Rama dhe tërë Europa ta kenë të qartë, se këtu ose do rikthehen vlerat europiane, ose ky vend do të zbrazet tërësisht, dhe këtë të dytën nuk e pranojmë. Ne jemi nesër, vetëm për të ngritur zërin tonë për ato vlera.
