Teksa një pjesë e mirë e liderave kanë uruar dhe kujtuar sot ditën e Rinisë dhe protestat e bëra atë 8 dhjetor nga studentët, që i paraprinë ndërrimit të sistemeve qeverisëse në Shqipëri, filozofi dhe akademiku Artan Fuga ka reaguar ditën e sotme me një sërë statusesh, të cilat vënë në pah jo vetëm faktin që terrenj qe i përgatitur dhe rinia u përdor simbolikisht, por edhe se e vērteta historike, është më tepër se sa shumatorja e kujtimeve që hedhin për konsum ata që kanë qenë të pranishëm atë ditë, sotdita politikanë.
Sa mëposhtē shënimet e plota të profesor Fugës.
SHËNIMI 1/ ..në mëngjesin e nisjes të lëvizjes studentore, gazeta Zëri i Popullit në kryeartikullin e vet, shprehej se roli udhëheqës i partisë nuk mbrohet me anë të ligjit…
Pa mohuar asgjë, duke njohur thellësisht se populli nuk e duronte rregjimin e kalbur diktatorial, duke ditur se ai pushtet pa mobilizimin qytetar nuk ikte vetiu, por thjesht për hir të faktit historik, duhet ditur se: në mëngjesin e nisjes të lëvizjes studentore, gazeta Zëri i Popullit në kryeartikullin e vet, shprehej se roli udhëheqës i partisë nuk mbrohet me anë të ligjit… Dhe vazhdonte pastaj bla bla bla -të e tjera!
Rruga ishte hapur publikisht në mëngjes, para çdo gjykatësi gjithkush mund të mbrohej: Dënoni Zërin e Popullit, jo mua që kërkoj pluralizëm politik !!! Hapur shtegu jo me hir, por me pahir. Se përse, si, qysh, për këto mund të diskutohet, por histori shumë e gjatë për ta treguar këtu, por unë sigurisht e di, bën pjesë në studimet e mia!
SHËNIM 2/ “E keqja nis kur sikurse thotë postpozitivisti Sir Alfred Ayer, kur secili kujton se historia e vërtetë është ajo që ka ndjerë ai, që ka perceptuar ai, që ka parë ai me sytë e tij! Pika historisë objektive!”
Nuk ka asgjë të keqe që secili të tregojë historitë e veta të tridhjet viteve më parë! Dikush e ka parë Historinë nga tribuna, dikush nga auditori, dikush nga krevati ngrohtë, dikush duke shitur cigare, fiq, brrekë, byrekë, dikush nga qelia e burgut, dikush duke bërë seks, apo kujton se edhe atëhere ka qenë ndonëse ka lindur më pas!
Asgjë të keqe, të gjithë shfryjmë strese, inate, nostalgjira.
E keqja nis kur sikurse thotë postpozitivisti Sir Alfred Ayer, kur secili kujton se historia e vërtetë është ajo që ka ndjerë ai, që ka perceptuar ai, që ka parë ai me sytë e tij!
Sikurse argumenton bukur Alfred Korzbiskij, në këtë rast kemi një patologji sepse atë që kemi brenda nesh kujtojmë se është realiteti. U japim përjetimeve tona realitet sikurse bënte njeriu primitiv që u jepte shpirt pemëve, gurëve, diellit, etj.
Njeriu ka prirjen psikopatologjike të kujtojë se ndodhet para së vërtetës historike dhe nuk kupton shpesh se është vetë dëshmitar i një skene beteje të vogël, parë me subjektivizmin e tij, por jo i Betejës!
Lëre po ka ca pocaqi historianë që duan të na mbushin mendjen se nga rrëfimet e të gjithëve del e vërteta e Madhe e Historisë. Përkundrazi, asgjë nuk del sepse akumulohen edhe të gjitha subjektivizmat, psikopatologjitë, deliret, bashkë me të vërtetat dhe bëhet një top balte që pas 100 vjetësh ua mësojnë brezave që vijnë, si Historia Objektive!
Pika historisë objektive!
SHËNIM 3/ Ta bëjmë Shqipërinë si gjithë Evropa dhe të futemi në BE? E dini rezultatin! Presim Afganë! Kaq mundemi, mirë edhe kaq!
Atë dhjetor gri, kishte parrulla ndriçuese si dielli! Asnjë nga ato pas 30 vjetësh nuk është realizuar! Të shohim pas 300 vjetësh!
Ta bëjmë Shqipërinë si gjithë Evropa dhe të futemi në BE? E dini rezultatin! Presim Afganë! Kaq mundemi, mirë edhe kaq!
Bashkim Kombëtar me Kosovën! Cfarë shakaje, kemi thjesht Ballkanin e hapur si buzëqeshje ndaj Serbisë, me Kosovën kundër! Trau na ndan!
Shqiptarë të pasur, pronë, të drejta politike! Varfëria në kulm dhe prona mbetet ndonjë ngastër mbi ujë, dhe ndonjë copë dyqani ku shiten mallra të vjetra. Hë edhe Gabi!
Demokraci? Hahahahaha! Asnjë parti që humbet nuk njeh zgjedhjet, qeveris gjithmonë pakica, Kuvendi një teatër kukllash, o Zot!
Shtet ligjor? Pas tridhjet vjetësh tërmet në Pallatin e Drejtësisë dhe ende nuk duket gjë!
Kulturë Perëndimore? Nuk gjen një trupë të huaj të vijë të performojë, lëre universitete, shkolla, shkencëtarë! Izolim total!
E vetmja gjë që gëzon, nuk ka më internime!
Diku është gabuar. Nuk e them dot këtu, por në libra po!
