Ka deklaruar një të vërtetë të madhe gazetari i kronikës Sokol Bregu, në emisionin e Eni Vasilit “Hapur”, teksa diskutohej mbi rastin e 28 vjecares që u dhunua prej bashkëjetuesit, duke mbërritur thuajse buzë vdekjes nga dhuna.
Përgjatë bisedës së tij Bregu deklaroi se fajtor për këtë rast nuk mund të jenë kurrësesi shokët e dhunuesit, sepse edhe vetë ai, nëse një shok i thoshte rraha gruan, ai nuk do ta denonconte, por fajin e ka mentaliteti ipunonjësve të shtetit e policisë në këtë rast, të cilët, nga sa deklaron gazetari Bregu, nuk ua vënë veshin ankesave të vajzave në polici, e madje edhe tallen me to.
“Nëse mua një shok më thotë rraha gruan, c’të bëj unë, të shkoj në polici? Nuk besoj se do të shkoja në polici dhe nuk duhet të dënohem për këtë. Duhet të shkojë ajo vetë… Problemi është i mënyrës se si e shohim ne në Shqipëri”, ka vazhduar Bregu. “Nuk cuditemi se kemi 30 përdhunime vitin e kaluar dhe asnjë dosje nuk është parë. Dhe vijmë në një diskutim, ku duhet të denoncojë komshiu apo jo. Jo, ne duhet ta kërkojmë tek shteti. Janë një pjesë që policia as nuk i sheh me sy. Shkojnë vajzat dhe ankohen dhe nuk i merr njeri për bazë, tallen. Është mentaliteti i shtetit. kjo është shqipëria. Pse duhet të bëjmë si të cuditur?, ka thënë mes të tjerave Bregu, duke e vënë gishtin në një prej plagëve më të ndjeshme sa i takon reagimit ndaj dhunës ushtruar tek femrat, atë të mendësisë maskiliste edhe brenda radhëve të policisë e strukturave të shtetit, të cilët duhet të jenë të parët në radhë që të rendin në ndihmë të grave dhe vajzave të dhunuara.”
