Ambasasada amerikane ka përshëndetur ditën e sotme vendimin e kreut të PD-së Lulëzim Bashës për t’u dorëhequr nga pozicioni i kreut të PD-së, duke e cilësuar atë si shenjë të të qenit udhëheqës i vërtetë.
Vendimi i marrë nga Lulzim Basha sot për t’u dorëhequr si Kryetar i Partisë Demokratike, thuhet në njoftimin e ambasadës, meriton respekt. Vënia e interesave të partisë dhe të vendit mbi ato personale është shenjë e udhëheqësisë së vërtetë. Shpresojmë që vendimi do të përcaktojë rrugën që Partia Demokratike të ecë përpara drejt së ardhmes; do të forcojë marrëdhënien e veçantë të Shqipërisë me Shtetet e Bashkuara; do të përforcojë mbështetjen për reformat dhe përpjekjet e tjera për qëllimin e Shqipërisë për t’iu bashkuar Bashkimit Europian; dhe do të ritheksojë parimet dhe idealet demokratike mbi të cilat u themelua. Një opozitë e fortë që mund të jetë e gatshme për të udhëhequr është thelbësore për demokracinë. Mbështetja e Shteteve të Bashkuara për demokracinë dhe përkushtimi për të luftuar korrupsionin dhe pandëshkueshmërinë mbeten të pandryshuara.
Kujtojmë që deri më tani Ambasada Amerikanë e ka luftuar fort Berishën në krye të PD-së, e me gjasa ky i fundit pritet të marrë frenat e partisë më të madhe opozitare në vend.
