Deputetja Flutura Açka ka ngritur një shqetësim në faqen e saj në fejsbuk, sa u takon sigurimeve shoqërore në vend, e cila e sheh ndryshe ftesën që kreu i qeverisë u bën të moshuarve gjermanë, që të vijnë e të plaken në Shqipëri.
“Gëzimi i vjetëranëve gjermanë pas ftesës së KM shqiptar për t’u pleqëruar në Shqipëri”, shkruan Açka në statusin e saj. “Kur e trajton Atdheun si kompani doganore: Eksporto 300 mijë të rinj në 10 vite në Europë. Importo pensionistë europianë, bashkë me kuletat. A mendon kush se ç’do të ndodhë me tregun e sigurimeve shoqërore, pra dhe të pensioneve pas dhjetë vjetësh?
Pse heshtin specialistët?!”
