Kanë pushtuar mbarë rrjetin sot, fotot e studentëve që largoheshin prej godinave në Qytetin Studenti, për shkak të strehimit se në to të refugjatëve afganë që pritet të vijnë.
Gazetari Isa Myzuraj, ka publikuar në fejsbukun e tij një mori syresh, të cilat dëshmojnë dëbimin e të rinjëve dhe peripecitë e tyre në vapën e këtyre ditëve, për këtë motiv.
Ndërkaq, nënkryetarja e Bashkisë Anisa Ruseti, ka shkruar në faqen e saj në fejsbuk se tek godinat e liruara do të vendosen rreth 350 refugjatë afganë, kryesisht gra dhe fëmijë, duke cilësuar se qendrimi i tyre do të jetë i përkohshëm.
Vendosim në dispozicion resurset dhe ndihmën tonë për të mikpritur refugjatët afganë.
Qyteti Studenti, për një periudhë të shkurtër, nuk do të shërbejë vetëm si strehë e sigurt, por edhe si qendër me shërbime mbështetëse sidomos për vajzat dhe gratë.
Tirana, qyteti solidar, do të jetë pika e parë e procesit të mbrojtjes ndërkombëtare për rreth 350 afganë, shkruan Ruseti, ndëkohë që ndjekësit e kritikojnë për vendimin e marrë, duke e cilësuar një vendim të tillë si të pafalshëm.
