Një gjyqtar australian i ka rikthyer vizën yllit të tenisit botëror, serbit Novak Djokovic, duke marrë vendimin që ai të lirohet menjëherë nga izolimi për emigrantët që kërkojnë strehim afatgjatë në Australi.
Gjyqtari Anthony Kelly, ka udhërruar ditën e hënë që Djokovic të lirohet brenda 30 minutave dhe pasaporta e po ashtu edhe dokumentat e tjera të udhëtimit, t’i rikthehen, duke i ndezur kështu dritën jeshile numri 1 të tenisit në botë, që të garojë për titullin e 21 Grande Slam, në garën e ardhshme të Australian Open.
Pavarësisht kësaj, në gjyq, avokatët e qeverisë federale, thanë se ministri i emigracionit të vendit e ruante ende të drejtën për të ushtruar pushtetin e tij për t’ia refuzuar sërisht vizën Djokovic-it.
Qysh prej të enjtes, tenisti 34 vjeçar serb, mbahej në një hotel për emigrantët, bashkë me të ndaluar e tjerë që kërkonin strehim afagjatë në Australi.
Kujtojmë që Djokovic ka shmagur kërkesat për vaksinim të Australisë, duke hapur kështu mjaft diskutime rreth një trajtimi të mundshëm special për vipat. Të mërkurën kur ndodhi ngjarja, kryeministri i Australisë Morrison, deklaroi se çdo individ që hynte në Australi, duhej të zbatonte rregullat e tyre të kufirit. “Nëse nuk është vaksinuar, duhet të na japë një provë të vlefshme që nuk mund të vaksinohet për arsye shëndetësore”, u shpreh Morrison, duke shtuar se qeveria e tij qe në pritje të një prove të vlefshme prej Djokovic-it, e nëse ajo nuk do të qe e tillë, ai nuk do të trajtohej ndryshe nga të tjerët, por do të merrte avionin e parë për t’u kthyer në shtëpi.
