Qeveria shqiptare ka miratuar në mbledhjet e saj tw se bonusi i fundvitit për pensionistët do të jetë 5.000 lekw e se ata mund ta tërheqin atë kur të duan që prej 1 dhjetorit në pikat përkatëse. Sipas kreut të Sigurimeve Shoqërore Astrit Hado këtë bonus e përfitojnë 695,101 pensionistë.
Sa më poshtë, njoftimi i plotë i Sigurimeve Shoqërore.
Qeveria miratoi në mbledhjen e saj të radhës dhënien e bonusit të fundvitit prej 5,000 lekë, që do të përfitohet nga 695,101 pensionistë dhe përfitues të kategorive të tjera të skemës së sigurimeve shoqërore, në të gjithë vendin. Gjithashtu do të përfitojnë 6 mijë lekë kompensim financiarë të gjithë ata persona që trajtohen me pension invaliditeti. Shpërndarja e bonusit do të nisë së bashku me masën e përfitimit të pensionit nga dita e nesërme, 2 Dhjetor. Instituti i Sigurimeve Shoqërore bën me dije se të gjithë ata pensionistë që kanë tërhequr pensionin në datën 1 Dhjetor, mund të tërheqin në vazhdim bonusin aty ku ata marrin rregullisht pensionin e tyre.
.
