Presidenti amerikan Biden ka deklaruar ditën e sotme të tjera sanksione ndaj Rusisë, pas mësymjes që ajo i bëri Ukrainës. Biden deklaroi se sanksionet e ndërmarra synojnë bankat ruse, oligarkët dhe sektorët e high-tech-ut, e se Shtetet e Bashkuara dhe aleatët e tyre, do të bllokojnë asetet e katër bankave të mëdha ruse, duke imponuar kontrolle mbi eksportimet dhe penalizuar oligarkët.
Biden deklaroi se pas mësymjes së Ukrainës, SHBA do të nisin të tjera forca për në Gjermani për të përforcuar turpat e NATOS, duke mos hyrë dot direkte brenda në Ukrainë, pasi ajo nuk është ende anëtare e NATO-s.
Kreu i qeverisë amerikane, hezitoi gjithashtu të ndërmerrte përjashtimin e Rusisë nga sistemi i pagesave SWIFT, një sistem financiar që lejon transferimin e parave nga njëra bankë në tjetrën në të githë botën.
“Kërkojmë përjashtimin e Rusisë nga SWIFT-i, futjen e një no-fly zone në Ukrainë dhe masa të tjera të efektshme për të ndalur agesorin”, u shpreh në një tuit të vetin presidenti i Ukrainës Zelenskyy, kërkesë së cilës administrata Biden iu përgjigj se ako mbetej përherë një mundëso, por mund të krijonte probleme për Evropën dhe ekonomi të tjera perëndimore.
Biden e mbajti fjalën e tij pas një takimi virtual me liderat e Britanisë së Madhe, Kanadasë, Francës, Italisë dhe Japonisë, pjesë e të cilit qenë edhe presidentja e Komisionit europian Ursula Von der Leyen, presidenti i Këshillit Europian Charles Michel dhe sekretari i përgjithshëm i Natos, Jens Stoltenberg. Funksionarët europianë theksuan se përjashtimi i Rusisë nga sistemi SWIFT, mund të jetë në fakt një frenim i ekonomisë globale në përgjithësi.
Rusia ndërkaq e ka barazuar përjashtimin nga SWIFT, me një deklaratë për luftë. Dhe meqë vetw SWIFT konsolidon rëndësinë e dollarit amerikan në finanën globale, pengimet absolute mund të sillnin edhe riskun e shtyrjes së vendeve, drejt përdorimit të të tjera alternativave financiare, përmes qeverisë kineze dhe teknolojive të bazuara në blokchain.
