I akuzuari numër dy për çështjen e incneratorëve Alqi Bllako nuk ka qenë e mundur të arrestohet sot nga Prokuroria e Posaçme, për shkak se ishte larguar nga shtëpia. Gjasat janë që ai pas dorëzimit të mandatit tē deputetit, në mënyrë që të hetohej pa problem, të ketë prerë ndonjë biletë për t’u larguar nga Shqipëria.
Nuk kanë qenë të paktë ata që kanë reaguar pas lajmit mbi arratinë e tij të mundshme, e mes tyre edhe kryetarja e LSI-së Monika Kryemadhi, e cila e cilëson ikje e Bllakos “si regji me qeveritarë në arrati”
Qytetarët presin drejtësi, shkruan Kryemadhi, jo regji me qeveritarë në arrati! Një pyetje kam për mediat që presin tani vonë arrestimin e deputetit të inceneratorëve: Kush i sponsorizoi sot gjatë ditës lajmet e rreme se arrestimi i Bllakos kishte ndodhur, se po kontrollohej shtëpia e tij, apo ishin të nevojshme që të fitohej kohë për arratisjen?
As udhëtimet në Maltë, Dubai, Singapor apo gjetkë nuk zgjidhin dot gjë tashmë për grupin e strukturuar të inceneratorëve. Bëni gjumin e qetë, se nuk keni parë gjë akoma.
