Debatet mes Amerikës dhe Rusisë për krizën e Ukrainës, vazhdojnë të jene ende të forta, edhe pse pak ditë më parë, Rusia tërhoqi disa prej trupave të saj.
Sekretari Amerikan i Shtetit Anthony Blinken, ka deklaruar se Rusia po ndërmerr hapa që do t’i shërbejnë për të justifikuar luftën, ndërkohë që rusët e cilësojnë këtë si një akuzë të pabazë.
Sipas raportimeve të mediave amerikane, teksa parashtroi hapat që Amerika pret të ndërmerren prej Rusisë për shuarjen e këtij tensioni, Sekretari Amerikan i Shtetit Blinken, tha se gjasat janë që në ditët në vijim Rusia të bënte ndonjë lëvizje që mund ta përdorte si justifikim për nisjen e luftës në Ukrainë. “Me gjasa”, u shpreh Blinken, “Moska do të përpiqet të krijojë një motiv lufte, që mund të jetë edhe ndonjë atentat terrorist, i sajuar në Rusi, zbulimi i ndonjë grope të përbashkët, apo ndonjë inskenim me sulme dronësh. Rusia mund ta përshkruajë këtë ngjarje si pastrim etnik apo genocid, duke u tallur me një koncept që ne në këtë sallë nuk e marrin dhe aq lehtësisht, tha mes të tjerave Blinken. Shumë veta, i kanë vënë në dyshim informacionet tona, dhe ndërkohë që Rusia i quan paralajmërimet tona si melodrama e budallallëqe, ka grumbulluar ndërkaq edhe 100 mijë ushtarë në kufij të Ukrainës”.
Në krahun tjetër Rusia e akuzon Amerikën se po bën akuza të pabaza. Zëvendëssekretari i Punëve të Jashtme Sergey Vershinin, i cili foli përballë Blinkenit në Këshillin e Sigurisë ditën e enjte, u shpreh se po e kthenin mbledhjen e Kombeve të Bashkuara në një cirk: “I kemi sqaruar dhe shpjeguar të gjitha shumë kohë më parë”, tha ia. “Dhe datën që ju deklaruat se do të niste lufta, e hodhëm pas shpatullave. Kështu që, këshilla ime për ju, është të mos na vini në një situatë të sikletshme, tha mes të tjerave Vershinin.
