AKU-ja u ka kërkuar ditën e djeshme qytetarëve të mos konsumojnë e të kthejnë patatinat “Tortilla Chips” blerë në treg.
Sipas njoftimit të AKU-së, ky njoftim në Shqipëri bëhet pas njoftimit ardhur nga sistemi RASFF, ku pas analizave të kryera, është evidentuar prania e alkaloideve, atropinës dhe skopolaminës.
NJOFTIM I PLOTE I AKU-së
Referuar njoftimit të ardhur nga sistemi RASFF, ku pas analizave laboratorike të kryera në Gjermani është konstatuar prani e alkaloidëve atropinë dhe skopolaminë në patatina misri “Natural Organic Tortilla Chips 125 g”.
Autoriteti Kombëtar i Ushqimit ka ndërmarrë të gjitha masat e nevojshme për bllokimin e produktit.
Në bashkëpunim edhe me operatorët e biznesit ushqimor, janë kryer njoftimet paraprake për thirrjen për konsumatorët që e kanë blerë këtë produkt që të mos e konsumojnë atë, por ta kthejnë pranë subjektit, ku e kanë blerë.
