Alexander Dugin, i përfolur së tepërmi ditët e fundit për hir të vrasjes së të bijës në një atentat me eksploziv vendosur në makinë, që supozohet se ishte nisur për të në fakt, është një politolog dhe filozof rus, të cilin shumica e cilësojnë edhe si “Rasputini” i Kremlinit apo ideologun e Putinit.
Dugin është themeluesi i ideologjisë ultranaionaliste euroaziatike – cilësuar ndryshe edhe si fazhizmi rus – që ka nisur të frymëzojë politikën e jashtme të Putinit, e si rrjedhojë edhe pushtimin e Urainës.
Dugin është nën sanksione ndërkombëtare që prej 2015-s, përsa ideator dhe nxitës i aneksimit rus të Krimesë.
Karriera:
I lindur në 1962 në Moskë në një familje me traditë ushtarake e ka nisur karrierën e tij si gazetar, duke shkruar për Den, një gazetë e ekstremit të djathtë. Në hapësirën e vet, më 1992-in Dugin ka publikuar manifestin “Lufta e madhe e kontinenteve”, ku paraqet vizionin e tij për Rusinë – perceptuar si një “Romë e përjetshme, – kundër Perëndimit, konsideruar si një “Kartagjenë e përherëshme” materialiste.
Që prej retorikës së brendshme të sovranizmit dhe okultizmit të së djathtës, Dugin ka qenë përherë i pranishëm nëpër dhomat e Kremlinit, edhe pse nuk ka pasur kurrë zyrtarisht ndonjë detyrë qeveritare. Ideologjia e tij promovon krijimin e një superfuqie përmes integrimit të Rusisë me ish republikat sovjetike. Në të shkuarën ka mbuluar detyra akademike, ka qenë kryeredaktor i Tsargrad Tv, transmetues ky filo-putinian.
Dugini është cilësuar si radikal edhe në atdheun e tij, jo vetëm në perëndim, me thirrjet e tij “Vritini ukrainasit”, që sic shkruan edhe një prej mediave ruse Rusia Today, në 2014 është pushuar prej Universitetit shtetëror të Moskës, për hir të thirrjeve mbi vrasjen e ukrainasve, gjatë përplasjes së nacionalistëve të Kievit dhe filorusëve.
E bija, Daria Dugina
Vdekur në vend të tij në atentatin e Moskës, e bija e Alexander Dugin, Daria Dugina, ishte diplomuar në filozofi, si i ati dhe shkruante për mediat filo-kremlineze. E lindur në 1992-in, më 4 korrik ishte bërë pjesë e listës së personaliteteve ruse të sanksionuara prej Mbretërisë së Bashkuar, për hir se cilësohej si një “ideatore e vazhdueshme dhe e një profili të lartë e dizinformimit mbi Ukrainën dhe pushtimin rus të sajn, nëpër platforma të ndryshme onlajn”.
Vec kësaj, ajo ishte edhe objekt i sanksioneve nga ana e Departamentit të Thesarit të Shteteve të Bashkuara, përsa drejtoreshë e rrjetit “United World International” (Uwi), akuzuar për dizinformim, në pronësi të Ievgeny Prigozhin, aleat i ngushtë i Putinit.
