Në një intervistë dhënë për Euronews Albania, Belinda Balluku, ministrja e Infrastrukturës, është përgjigjur mes të tjerave edhe për akuzat e përfaqësuesit të PD-së, Gazment Bardhit, i cili përmes një deklarate për shtyp, u shpreh se ajo ka blerë vota përmes legalizimit të banesave një muaj përpara zgjedhjeve.
Në përgjigjen e saj, Balluku e quan bisedën e paraqitur prej Bardhit si një gjetje e tij për të tërhequr vëmendjen nga ajo që po ndodhte realisht në PD, e po ashtu edhe si një dëshmi të punës së tyre me njerëzit.
Tani e pashë se kam qenë gjithë ditën kantiereve, tha Balluku në intervistën e saj, por realisht nuk pashë ndonjë blerje vote, ndonjë fjali ku shkëmbeheshin vota. Ishin njerëz që kujdeseshin për familje, të cilat kanë procese legalizimi. Po të kishim përdorur shtetin, nuk do shihnim koordinatorët të luteshin aman, kur i vjen radha kësaj shtëpie. Kështu që ky çati që thotë zoti Bardhi, i cili unë nuk e di akoma pse është duke bërë konferenca për shtyp, pse nuk është përpara prokurorit, duke sqaruar vrasjen e Elbasanit, realisht ky çat mua më nderon shumë, se tregon se si ne punojmë në terren. Zoti Bardhi do vazhdojë me histori të tilla, sepse është një mburojë që ai i krijon vetes dhe shefit të tij, për të tërhequr vëmendjen nga çfarë po kërkojnë anëtarët e PD-së që të ndodhë, pra dorëheqjen e Lulëzim Bashës
Kujtojmë që në deklaratën për shtyp bërë thuajse dy ditë më parë, Gazment Bardhi akuzoi Ballukun se, përmes një këshilltareje në Ministri, kishte zbatuar skemën e blerjes së votave përmes lejeve të legalizimit.
Grupi WhatsUp-it, tha Bardhi në këtë deklaratë, është hapur nga Belina Balluku dhe drejtuar nga këshilltarja e saj në kabinetin e ministrit, Laureta Omeri.
Përmes këtij personi, Belinda Balluku ekzekuton skemën e blerjes së votave, duke legalizuar banesa, në këmbim të votave. Kjo bisedë në WhatsUp, fakton se për më shumë se një muaj, administrata publike është vënë në funksion të blerjes së zgjedhjeve. Provat tregojnë se si Partia Socialiste jep leje legalizimi në këmbim të votave. Në këtë bisedë, ka detaje të adresave dhe bisedave përkatëse, për të cilat shtabet elektorale të Partisë Socialiste, urdhërojnë legalizimin e menjëhershëm përpara zgjedhjeve, në këmbim të votës.
Deklarata e plotë e Gazment Bardhit
