Ka përfunduar mbrëmjen e djeshme edicioni i 24 i Panairit të Librit, i cili u zhvillua në Pallatin e Kongreseve në Tiranë, nga data 17 deri 21 nëntor.
Juria e Panarit të Librit e përbërë prej studiueses Anila Mullahi, gazetarit dhe shkrimtarit Enkel Demi, përkthyeses dhe pedagoges Albana Nexhipi Lekaj, gazetares Aida Tuci dhe përkthyesit Xhimi Lazri, dha tri çmime mes rreth 115 titujve që ishin paraqitur për të konkuruar, atë të librit më të mirë shqip, fituar nga Virgjil Muçi me vëllimin me tregime fantazmagorike “Fajin ma ka gjuha”;
Atë të përkthimit më të mirë, fituar nga Flavia Kaba, për përkthimin e vëllimit me tregime të shkrimtarit spanjoll Carlos Ruiz Zaffon “Qyteti i Avullt”;
Dhe ai i studimit më të mirë, fituar prej studiuesit Uran Butka, me vëllimin e gjashtë të veprës “Mid’hat Frashëri, vepra të zgjedhura”,
zgjedhur, siç deklaroi në intervistën e saj për mediat edhe kryetarja e jurisë së Panairit të Librit Mullahi, mes një gare të fortë, ku nuk munguan zëra të njohur të letërsisë shqipe, si Visar Zhiti, Besnik Mustafaji, Mira Meksi, Agron Tufa, Stefan Capaliku, Ag Apolloni etj, një sërë përkthyesisht të njohur për publikun, si Mimoza Hysa, Ana Kove, Afërdita Shuteriqi Bashari, Sokol Çunga, e mjaft të tjerë, e po ashtu edhe mes studiuesëve mjaft të njohur në fusha të ndryshme, si Arshi Pipa, Gjerak Karaiskaj, etj.
Një tjetër çmim i dhënë nga Ambasada Franceze, shkoi këtë vit për përkthyesen Mirela Kumbaro, për veprën “Ngadalësia” të Milan Kunderës.
Diskutime të shumta hapi këtë panair mosdhënia e një çmimi për letërsinë për fëmijë, e cila, nga sa u deklarua, erdhi për shkak të mos prurjes së titujve të mjaftueshëm në konkurim nga shtëpitë botuese, për këtë kategori.
Në fjalën e tij gjatë ceremonisë së dhënies së çmimeve, kreu i Bashkisë së Tiranës Erion Veliaj, deklaroi se në synimet e tij të afërta qenë shtimi i bibliotekave në Tiranë, e po ashtu, me gjasa, edhe zhvendosja apo zhvillimi i Panairit të Librit edhe në zonat periferike në Tiranë.
Nuk munguan të përmendeshin gjatë ditëve të këtij panairi, edhe cështje të ndjeshmë për ata që merren me librin, sic taksimi i honorarit, për të cililin, kreu i Shoqatës së Botuesëve Petrit Ymeri, tha se do të qe me vend që nga 15% të zbriste në 6%, gjë që do ta ndihmonte së tepërmi krijimintarinë në vend.
