Ka paralajmëruar ndryshime të thella në sektorin e ujësjellësit, kreu i qeverisë Rama, i cili në një takim me ministren e Energjitikës Balluku, partnerë të huaj njohës të sektorit të ujësjellësit dhe përfaqësuesëve të Bashkive, ka bërë me dije reformën që me gjasa do të përfshijë së shpejti këtë sektor.
Duke theksuar investimet e mëdha të qeverisë në këtë sektor, dhe mosjustifikimin e këtyre investimeve nga të ardhurat e mbledhura prej tij, e po ashtu edhe prej cilësisë së shërbimit që ofron ky sektor për popullatën, Rama tha se tashmë shteti do të bëhej pjesë e menaxhimit të sektorit të Ujësjellës-Kanalizimeve, për ta nxjerrë sektorin nga kjo situatë.
Ne do ta marrim këtë përgjegjësi dhe bashkarisht do ta ndryshojmë kurisn e kësaj historie, tha Rama mes të tjerave, duke iu lutur të gjithë donatorëve që të përfshihen në këtë proces dhe me ndihmën e tyre do të bëjmë një skanim të të gjitha burimeve njerëzore të Ujësjellësave. Çfarë profili dhe çfarë kapacitetesh menaxheriale kane drejtorët e ndërmarrjes së ujësjellësve në Shqipëri? Çfarë profile, çfarë kapacitetesh menaxheriale teknike, kanë të gjithë shefat e ujësjellësve nëpër Shqipëri? Sa janë në profilin e tyre punonjësit e ujësjellësave?
Me këtë tabele që humbjeve që fillon nga Vlora, duke shkuar teposhtë, aty përgjegjësia duhet të jetë e drejtëpërdrejtë, që nga drejtuesit e deri tek kushdo që ka përgjegjësi menaxhimi. Dhe rekrutimet për drejtuesit nuk do të bëhen më siç janë bërë deri më tani, se nuk do ta lejojmë më, do kërkojmë edhe ndihmën e partnerëve të huaj, se këto janë ndërmarrje nuk janë mall i huaj, të cilit për 30 vjet i biet me top.
Rama sqaroi se javën në vijim ministrja Balluku do të takohej me kryetarët e Bashkive, për t’u paraqitur planin se si do ndryshonte ky sektor jetik për vendin, duke e vënë theksin tek sinergjitë e reja, tek nxjerrjja e sektorit të Ujësjellësit nga duart e politikës, tek eleminimi i punësimeve për qokë në këtë sektor, tek zgjedhja e punonëjsve me dinjitet, proces ky që do ndihmohej edhe prej prej partnerëve të huaj që kanë kontribuuar e kontribuojnë në sektor.
Ndryshimi duhet të nisë nga vetë ju kryetarë të dashur të Bashkisë, tha mes të tjerave Rama, që duhet të thoni “stop, mjaft më”! Dhe nuk ka politika sociale me hajdutët e rrjetit. Këto nuk janë sociale, janë skandale!
