Në deklaratën e tij për mediet, për situatën në zonën e Kalimashit, kreu i Ministrisë së Mbrojtjes Peleshi është shprehur se situata është nën kontroll.
Situata ishte alarmante, tha Peleshi, sidomos në anën tjetër të tunelit, por falë organizimit të mirë të punës mes instiucioneve… Ka pasur dhjetë mjete zjarrfikës në gatishmëri, që kanë punuar më shumë në daljen tjetër të tunelit gjatë natës. Pra ka qenë kryesisht puna e mjeteve zjarrfikës, sepse ka qenë e pamundur të ndërhyej nga toka, por duhet them se ka 100 -150 trupa të alokuar aty, 60 e ca e ca trupa janë vetëm nga policia ushtarake, kemi nga zonat e mbrojtura, nga pushteti vendori, trupat zjarrëfikëse gjithashtu, dhe kjo ka bërë të shmanget rreziku, tuneli të vazhdojë punën normalisht, pa ndalur asnjë minutë. Sot situata shumë më e qetë, flakët janë nën kontroll, zjarri është larguar nga tuneli dhe tani mund të ndërhyet edhe nga toka.
Në fjalën e tij Peleshi falenderoi dy prefektët të Kukësit dhe të Lezhës, për koordinimin e ndërhyrjeve e po ashtu edhe forcat kosovare dhe ministrin e Mbrojtes së Kosovës Armend Mehaj për ndihmën e dhënë.
Shumë e rëndësishme do të jetë mbështetja e tyre sot, tha Peleshi, se nuk janë pak por janë 66 trupa dhe 9 mjete zjarrfikëse, dhe bashkuar me forcat tona, besoj se do ta vëmë nën kontroll të plotë zjarrin në majën e Runës.
Peleshi bëri thirrje gjithashtu, të mos abuzohej me mënyrën apo shpejtësinë e shuarjes së vatrave të zjarrit, sepse dinamika e tyre dhe e tërë procesit të fikjes kishte specifikat e veta: Ne nuk jemi perfektë, u shpreh ai, por nuk na ka munguar gatishmëria.
