Partia Demokratike ka akuzuar sot në mbrëmje KAS-in se po pengon transparencën e zgjedhjeve. Nisur nga rezultatet e kryqëzimit të të fletëve të votimit nëpër kuti me shenjat e gishtërinjëve rregjistruar në pajiset elektronike PEI, PD pretendon se nëse KAS administron edhe prova të tjera siç bëri me kutitë e Beratit, atëherë “masakra elektorale” do të dilte në pah
19 persona në Berat votuan 53 herë, shkruhet në faqen e saj zyrtare. Ja dokumenti që fakton parregullsitë. Kryqëzimi i të dhënave të shenjave të gishtave ka faktuar votimin e parregullt në qarkun e Beratit. 19 persona kanë votuar 53 herë, mes të cilëve 2 persona kanë votuar 2 herë.
Kjo e dhënë është shumë e rëndësishme, sepse verifikon që persona të ndryshëm kanë mashtruar duke votuar në emrin e perosnave të tjerë.
Në Qarkun e Beratit diferenca për mandatin e pestë të PS dhe mandatit të LSI është vetëm 77 vota. Ky dokument u pranua të merret nga KAS dhe nxjerr në pah parregullsitë proceduriale të procesit të votimit. PD theksoi se nëse KAS do të kishte pranuar të kerkonte edhe prova të tjera për blerjen e votës mes legalizimeve, punësimeve, përdorimit të shtetit për përfitim elektoral, masakra zgjedhore do të ishte shfaqir e plotë para shqiptarëve.
