Në një konferencë për shtyp me mediat, kryekomisioneri Celibashi u shpreh se për të lehtësuar procesin e votimit, KQZ-ja do të vendosë në hyrje të qendrave të votimit postera të kandidatëve me numrat përkatës, e po ashtu, në dhomën e fshehtë do jetë një fletë palosje, të cilën votuesi mund ta konsultojë nëse do të ketë nevojë.
Tashmë është e qartë që nuk do të jenë më emrat, por numrat, që tregojnë kandidatët të rendoitur sipas asaj renditje që ka sjellë partia politike dhe koalicioni, u shpreh Celibashi, gjë që do të thotë se, votuesi përpara se të shkojë për të votuar, duhet ta ketë të qartë numrin e kandidatit apo partisë dhe koalicionit që do të zgjedhë. Veç kësaj, për ta ndihmuar votuesin, në hyrje të qendrave të votimit ne do vendosim postera të mëdhenj, që tregojnë se ç’numër ka secili prej kandidatëve, e njëkohësisht edhe fletpalosje tek dhomat e fshehta. Nëse ndonjë prej votuesëve do konfuzohet dhe nuk do ta kujtojë dot numrin e kanditatit, mund ta konsultojë edhe një informacionin me fletëpalosjen që do jetë tek dhoma e fshehtësisë.
Kur vota është e vlefshme apo e pavlefshme?
Një votues, sqaroi Celibashi, mund të zgjedhë partinë politike ose koalicionin dhe 1 kandidat të kësaj partie ose koalicianin, por nuk mund të zgjedhë 2;
- nuk mund të zgjedhë 1 parti dhe një koalicion dhe kandidatin e parties tjetër, në cdo rast zgjidhja do jetë brenda grupit. Pra zgjedh partinë ose koalicionin dhe një kandidat të sajin;
- votuesi mund të votojë edhe vetëm koalicionin ose partinë politike, pa zgjedhur asnjë kandidat të sajin, pra edhe nëse zgjedh vetëm partinë, fleta është e vlefshme;
- edhe nëse ti zgjedh vetëm 1 kanditat, edhe pse nuk e ke zgjedhur partinë politike, as koaliconin, fleta është e vlefshme, numërohet si votë për kandidatin dhe partinë politike apo koalicionin që i përket ky kandidat;
- nuk mund të zgjedhësh 2 kandidatë, ashtu siç nuk mund të zgjedhësh 2 koalicione;
I pyetur mbi probabilitetin e lartë të votave të pavlefshme me këtë fletë votimi, Celibashi zgjodhi të mos përgjigjej, e po ashtu, as për vështirësitë e numërimit të votave, pas përfundimit të procesit të votimit.
Besoj se nuk do kemi problematika në integritetitn e procesit. E rëndësishme është të fokusohemi tek procedurat e votimit. Kemi kohë për ta bërë shumë mirë këtë gjë, u shpreh ai.
