Kanë nënshkruar sot marrëveshjen për të qenë pjesë e një koalicioni të përbashkët, dy partitë opozitare në vend, që synojnë marrjen e pushtetit pas zgjedhjeve të 25 prillit 2021. Marrëveshja mes Lëvizjes Socialiste për Integrim dhe Partisë Demokratike, u firmos prej dy kryetarëve të saj Monika Kryemadhi dhe Lulëzim Basha, të cilët në fjalën e rastit, e lidhën simbolikisht datën e firmosjes së kësaj marrëveshjeje me një pranverë të mundshme në politikën shqiptare.
Në fjalën e rastit Kryemadhi u shpreh se Do punojmë krah për krah së bashku, jemi përgatitur ta fokusojmë vëmendjen në rimëkëmbjen e situatës post-kovid, të cilën Rama premtoi që do ta zgjidhjte, por e bëri më keq. […] U bëj thirrje gjithë shqiptarëve të shkojmë drejt kutive: referendumi i datës 25, është vendimar për t’i dhënë fund çdo sekti që ka marrë peng Shqipërinë. Sot, më shumë se kurrë, bashkimi i LSI me PD është sinjal i fortë për të filluar një pranverë të re, për të pasur më shumë gra dhe vajza në politikbërje dhe për t’i dhënë forcë votës së shqiptarëve.
Ndërsa kreu i PD-së Basha tha se pikërisht ky koalicion do sjellë ndryshimin në vend: Në emer të PD-së, koalicionit tonë, anazgohem se nuk do t’ju zhgënjejmë, se do punojmë së bashku me të gjitha forcat, për një të ardhme të mirë. Ne e dimë që Shqipëria meriton një qeverisje më të mirë. […] Ka ardhur rasti të bashkohemi, të fitojmë së bashku për Shqipërnië, për familjet tuaja, për çdo shqiptar. Të shkojmë shtëpi më shtëpi e të garantojmë fitoren e 25 prillit, me të ciliën do fitojë e ardhmja e fëmijëve tanë.
