Drejtori i Policisë së Shtetit Ilir Proda ka deklaruar një sërë masash për mbarëvajtjen e sezonit turistik në vijim.
Mes këtyre masave përfshihen jo vetëm pastrimi i zonave publike nga ndërtimet pa leje, por edhe një sërë masash të tjera, të cialt sipas Prodës, do të sjellin garantimin e sigurisë, qetësisë dhe rendit në zonat turistike dhe urbane, garantimin e perimetrit të sigurisë në plazhe, parandalimin e ndotjes akustike, parandalimin e ndotjes së mjedisit, lirimin e hapësirave publike të zëna në mënyrë të kundërligjshme, parandalimin dhe goditjen e ndërtimeve pa leje.
“Bashkitë, komunitetet dhe qytetarët i ftoj të bashkëpunojnë ngushtë me Policinë e Shtetit dhe të denoncojnë në Drejtorinë e Përgjithshme të Policisë çdo rast indiference apo abuzimi nga ana e punonjësve të policisë apo çdo strukture tjetër inspektimi që ka për detyrë kontrollin e territorit. Parkimi i dyfishtë në rrugë nuk do të konsiderohet më si një “shkelje e lehtë” thjesht administrative, por si një bllokim i kalimit të mjeteve që cenon sigurinë e qytetarëve dhe kufizon dhunshëm të drejtën e tyre për të lëvizur lirisht. Strukturat policore do të kryejnë veprimet hetimore duke e trajtuar parkimin e dyfishtë si vepër penale bazuar në nenin 293 të Kodit Penal. Ky fenomen i shëmtuar dhe i rrezikshëm do të zhbëhet, me çdo kusht. Shefat e komisariateve dhe drejtuesit e strukturave që kanë përgjegjësi për territorin do të jenë personalisht përgjegjës për rastet kur evidentohen ndërtime pa leje, zaptime të pronave, bllokime rrugësh, kthim i hapësirave komunitare në parkingje private, apo çdo abuzim me mjedisin, veçanërisht në zonat e mbrojtura”, tha mes të tjerave Proda në fjalën e tij.
Sa më poshtë, fjala e plotë e Prodës.
.
.
