Komiteti i ilaçeve për Përdorim Njerëzor (CHMP), i Agjencisë Evropiane të Barnave (EMA), ka dhënë OK për përditësimin e fletës së të dhënave teknike të semaglutidit në Bashkimin Evropian, njohur edhe si ozempik, duke njohur kështu rolin e barit në reduktimin e rrezikut të episodeve kardiovaskulare, si vdekja kardiovaskulare, sulmi jo-fatal në zemër (infarkti i miokardit) apo goditja jo fatale në tru, tek të rriturit mbipeshë ose obezë me sëmundje kardiovaskulare, pa diabet.
Ilaçi jepet kryesisht kundër obezitetit tek pacientët me diabet, por përdorimi i tij është përhapur për të humbur peshë edhe tek personat jo diabetikë.
Opinioni pozitiv bazohet në rezultatet e studimit Select, sipas të cilit semaglutidi 2.4 mg mund të zvogëlojë rrezikun e episodeve të padëshiruara kardiovaskulare me 20%, në krahasuar me placebo, kur i shtohet kujdesit standard.
Mekanizmi i saktë i reduktimit të rrezikut kardiovaskular nuk është sqaruar ende, por ka të ngjarë të jetë multifaktorial dhe nuk varet vetëm nga humbja e peshës.
Obeziteti është një sëmundje kronike e lidhur me shumë pasoja të rënda shëndetësore dhe jetëgjatësi të reduktuar, dhe është e lidhur me rritjen e rrezikut të sëmundjeve kardiovaskulare, duke përfshirë atakun në zemër dhe goditjen në tru. Në nivel global, pritet që obeziteti pritet të prekë mbi 1.5 miliardë të rritur deri në vitin 2035, duke rritur kështu edhe vdekjet që lidhen me sëmundjet kardiovaskulare. Në Itali sot 11.4% e popullsisë janë obezë, dhe prej tyre 80% jetojnë me insuficiencë kardiake. Kombinimi është shumë i rrezikshëm, sepse mund të rrisë rrezikun e ngjarjeve fatale kardiovaskulare deri në 85%, duke ‘vjedhur’ të paktën 6 vjet jetëgjatësi.