Sipas astrologes së njohur Meri Gjini, kjo fundjavë do të jetë nën ndikimin e dy planeteve gjigandë, Jupiterit dhe Uranit, të cilët, të paktën në afatshkurtër do të kenë ndikim pozitiv në jetën e njerëzve.
“Janë puqur dy gjigandë pozitivë në fakt, është Jupiteri dhe Urani bashkë, kështu që janë të dy në hyrje të drejtëpërdrejtë, duke pasur ndikim të fortë, jo vetëm duke ngjyrosur ditën e sotme dhe ditën e nesërme, por do të jenë edhe si ndihmues në vazhdimësi, të paktën deri inga fundi i javës që vjen.
Urani sjell gjithmonë të papritura, por duke qenë së bashku me Jupiterin, do të sjellë të papritura të mira, të paktën për ditën e sotme dhe ditën e nesërme.
Tendenca kryesore e çdonjërit prej nesh do të jetë për të pasur nisje të reja, për të marrë iniciativa për nisje të reja, dhe e dyta, për ata që nuk kanë inciativa të reja, që nuk kanë në plan iniciativa të reja, nxjerr në sipërfaqe çështje të vjetra për t’u organizuar, ose plane të vjetra që kanë ngecur për t’i riformatuar, për t’i ndihmuar, si për t’i dhënë një ndihmesë si për një nisje të re, si bekim të ri.
Gjithashtu, duke qenë që Mërkuri është në ndikim të kundërt me Venusin drejtëpërdrejtë nga Dashi, nxjerr në sipërfaqe edhe çështje të vjetra të familjes, çështje të vjetra të raporteve personale, kështu që do të ndeshemi pak për të korrigjuar apo rregulluar apo për të marrë përgjigje edhe në çështje të vjetra, qofshin personale, qofshin profesionale. Pra, tendenca për të pasur një fundjavë, e enjte e premte me të papritura pozitive, është shumë e madhe.
Ndihmesa e universit për mirë, duke na dhënë buzëqeshje do të vazhdojë deri ditën e shtunë, ndërsa ditën e dielë kemi kalimin e diellit tek Demat, duke bërë një hyrje të fortë katërkëndore me Plutonin tek Ujorët, kështu që kemi Diellin tek Demat, Plutonin tek Ujorët në katërkëndësh, duke interferuar edhe me Hënen e re, të plotë, që do të jetë në javën që vjen.
Pra fillon një periudhë jo fortë e këndshme dhe fortë e lehtë, por që nuk ka të bëjë me individin se sa me çfarë dëgjojmë.
Duke qenë se ky katërkëndësh është nga më të fortët, duke qenë se Plutoni nuk është se rri ndonjëherë i qetë kur bën hyrje të tilla, çështjet kryesore do të jenë ato që kanë të bëjnë me politikat e mëdha, të superfuqive, njerëzve që kanë një lloj pushteti, pavarësisht nëse nëpër hapësira të vogla a të mëdha. Pra duket sikur e diela pasdreke, do të na shqetësojë pak, por kjo është sa ftillohemi.
Kjo është pra shija e këtij katërditëshi, në vijim, nga e enjtja, në të dielë”, tha mes të tjerave astrologia Meri Gjini
