Kush vlen më shumë?
Ka patur një debat të hershëm mes ekonomistëve, se kush shton më shumë vlerë në ekonomi; burrat apo gratë? Përgjigja bazuar në numrat klasike të llogarive kombëtare si GDP, të ardhurat dhe produktiviteti i punës ka qenë me shumti burrat. Por ka një problem.
Një pjesë e madhe e kontributit të grave në ekonomi nuk kapet nga shifrat e GDP. Shumica e ekonomive kombëtare, nuk përfshijnë në Prodhimin e tyre te Brendshëm Bruto, vlerën ekonomike që krijohet nga punët e shtepisë. Gatimi, pastrimi, rritja e fëmijëve, kujdesi për të moshuarit dhe shumë e shumë shërbime të tjera bien kryesisht mbi gratë. Por kjo është e gjitha punë e papaguar.
Një raport i Organizatës së Kombeve të Bashkuara në vitin 2018, gjeti se gratë bëjne të paktën 2.6 herë më shumë punë të papaguar se burrat. Studimet empirike tregojnë se punët e papaguara të Shtëpisë, vleresohet të jenë nga 10 deri në 40 për qind e GDP-ve në ekonomitë kombëtare.
Ka një mënyrë pë të llogaritur vlerën ekonomike të gjithë kësaj pune. Duhet të mbledhesh rrogën mujore të një kuzhinieri, atë të një sanitareje, atë të një dadoje etj, etj. Nëse i mbledh të gjitha këto, del se vlera që shtojnë grate në ekonomi, është shumë më e madhe se ajo e burrave.
Pra, me pak fjalë: që një burrë të jetë ekonomikisht me i vlefshëm se gratë, duhet te jetë në rangun e Elon Musk ose Jeff Bezosit. Ne të tjerët bëjmë kot të gjithë.
Gëzuar!
