Ka reaguar përmes një deklarate për mediat ditën e sotme, drejtuesja e Departamentit të Arsimit të Lartë, Shkencës dhe Inovacionit në Partinë Demokratike, Lili Sula, e cila ka sqaruar për opinionin publik, se VKM–ja 741 miratuar prej qeverisë, i kthen universitetet në fondacione, të cilat do të rivlerësohen si fondacione me vlerën e tregut, e që për të vazhduar veprimtarinë e tyre, duhet të kenë të paktën burimet financiare për tri vite akademike.
Një VKM e tillë, tha Sula, vë në praktikë kreun 12 të ligjit 80 për arsimin e lartë dhe kërkimin shkencor, kundërshtuar nga ekspertë të huaj qysh më 2015-n e se universitetet, në të tilla pozita, do të detyrohen të rrisin tarifat ndaj studentëve, për të ruajtur status quo-në.
“Rithemelimi i universiteteve si fondacione, privatizimi i tyre dhe kontratat e punës 1- vjeçare për pedagogët do të thotë: nxjerrje në ankand të institucioneve të arsimit të lartë publik, të cilat, për shkak të shtrëngesës për mbijetesë do të detyrohen të rrisin taksat e studentëve”, deklaroi Sula mes të tjerave duke u bërë thirrje stafeve akademike që të mos e lejojnë zbatimin e një VKM-je të tillë.
Sa më poshtë fjala e plotë e Sulës.
