Kreu i Partisë Demokratike të Reformuar Sali Berisha ka diskutuar pasditen e sotme incidentin gjatë protestës, kur një i ri e goditi atë më grusht në fytyrë. Në sqarimin e tij përpara gazetarëve, Berisha thekson se ai ishte agjent I policisë kriminale, me disa çrregullime.
“Ishte një akt agresiv kriminal, i një personi që plotëson çdo kusht për të qenë i përdorur. Por ajo që është më flagrante, është që personi është agjent i policisë kriminalë. Gerti Shehu është agjent i policisë kriminale, kontigjent, me minimale, siç futen me doza të vogla për të, në rrethet e trafikantëve. Problem me disa çrregullime, por fakti që zyra e Fugës e shpërndau me urgjencë këtë dokument shëndetësor për të, dëshmon se gjithçka ishte e përgatitur. Fakti që zyra e tij e kishte gati shkresën për t’ia thënë gazetareëve… Ju e dini që në raste të tilla, gjtihmonë këto persona përdoren, se një normal nuk pranon kurrë të keqpërdoret. Pra Edi Rama, duke dashur të paraqesë veten duarjashtë, tregoi se është 100% duar brenda”, tha mes të tjerave Berisha, teksa analizonte përpara gazetarëve deklaratat e zyrës së shtypi të kryeministrit, e po ashtu edhe dokumentat e zbardhura mbi Gerti Shehun, që goditi ditën e sotme Sali Berishën, gjatë protestës së opozitës në bulevardin “Dëshmorët e Kombit”.
