Përgjatë një interviste në report TV kreu i policisë rrugore Altin Qato, bëri me dije akset të cilat do të bllokohen përgjatë vizitës së krerëve të BE-së në samitin që do të mbahet nesër në Tiranë.
“Bllokimet nuk do jenë në një kohë të gjitha, u shpreh Qato. Aksi rrugor Rinas- Tiranë, do të ketë bllokime të pjesëshme në datën 5, pasi një sërë liderësh të Bashkimit Evropian vijnë në datën 5.
Prej orës 07.30 të mëngjesit e deri në përfundim të aktivitetit, aksi rrugor që përmenda në fillim, aeroporti i Rinasit-Qafë-Kashar, autostrada Tiranë-Durrës, sheshi Shqiponja, kthimi në unazën e re, Kopështi Botanik në drejtim të Saukut, varrezat e Dëshmorëve, rruga e Elbasanit, deri në kryqëzimin e urës së Elbasanit, pra në bulevardin “Bajram Curri” dhe gjithë segmentet rrugore që lidhin rrugën e Elbasanit me rrugën Papa Gjon Pali II, drejt Stadiumit, ose hotelit ku do të mbahet aktiviteti, do të jenë të paaksesueshme. Dokument identifikimi do të kenë ata që mund të hyjnë në rrethin e ngushtë ku mund të ketë institucione, për të vërtetuar që është punonjës i institucioneve brenda perimetrit.
Ne kemi lënë dy krahë të lira, rrugë dytësore. Kush niset nga Tirana, mund të pëdorë rrugën dytësore, në Vorë, në Fushëprezë, dhe drejtohet për në Rinas, është njëri prej akseve. Ky aks mund të përdoret edhe nga bulevardi i ri, Kamëz, Valias, dhe Rinas. Pra janë dy akse. Pjesa që vjen nga veriu e ka të zgjidhshme, Fushë Krujë, Fushë-Prezë- Rinas”.
Ndryshim do të ketë sipas drejtori Qato edhe transporti publik, i cili nuk do të funksionojë ditën e nesërme as në bulevardin Dëshmorët e Kombit” dhe “Bajram Curri”.
