Pronari i ri i Twitter-it ka deklaruar se do t’u faturojë 8 dollarë në muaj, çdo përdoruesi të Twitter-it që dëshiron të ketë një shenjë blu pranë emrit të tij, që tregon se ajo llogari është e vërtetë.
Në valën e ndryshimeve pas blerjes prej 44 miliardë dollarëve të këtij rrjeti social, Musk ka deklaruar se kjo ishte thelbësore për të luftuar mashtrimin.
Kritikët ndërkaq shprehen se kjo do ta bëjë më të vështirë identifikimin e burimeve të besueshme, kurse Musk shprehet se personat që do të paguajnë, do të kenë më tepër përparësi sa u takon përfshirjes nëpër njoftimet publicitare.
Musk tha mes të tjerave, se kishte ndërmend ta pakësonte varësinë e Twitter-it nga reklamat, ndërkohë që disa prej ndërmarrjeve janë shqetësuar për reklamat e tyre në këtë rrjet social.
Një prej shoqërive më të mëdha publicitare në botë, IPG-ja, i këshilloi klientët e vet t’i pezullojnë reklamat në Twitter për një javë, duke cituar nevojën për një qartësi më të madhe të tij, në garantimin e besimit dhe sigurisë. Tarifa për privilegjet e shenjës blu, ngjalli dyshime pas raporteve reale, ku cilësohej se shuma në fakt, do ishte 20 dollarë.
