Babai i Laer Kurtit 32 vjeçarit që humbi jetën në duart e Policisë, ka deklaruar se i biri nuk ka pasur asnjë problem shëndetësor. E kam birësuar që dy vjeç, u shpreh ai në një intervistw pçr Top Channel. Kam gjithë natën jashtë morgut dhe nuk më lënë ta shoh.
Nga sa informohet, Kurti do të përballej së shpejti me gjykatën, për një çështje të vitit 2016. Gjykata e Apelit në Tiranë do të shqyrtonte një proces gjyqësor në ngarkim te Lear Kurtit me akuzën e falsifikimit të kartmonedhave të kryer në bashkëpunim. Kurti ishte shpallur i pafajshëm në vitin 2016, por vendimi u apelua nga prokuroria e Tiranës. Senaca ishte parashikuar të mbahej më 25 tetor në Gjykatën e Apelit.
Pjesë nga intervista e babait të të ndjerit
Artur Kurti: Nuk e kam parë trupin e djalit, Kam qenë gjithë natën jashtë morgut dhe sot dhe nuk më kanë dhënë asnjë lloj shpjegimi.
Gazetarja: A të kanë kontaktuar autoritetet?
Babai: Cilat autoritete? Ato që e kanë mbytur?! Ku ka ktu shtet. Gjeta ata të shkb-së aty më thanë nuk dimë gjë, kur të bëhen ato… nga ora 10 ose 11 do të të themi.
Gazetarja: Të thanë çfarë ka ndodhur?
Babai: Jo s’më dhanë asnjë përgjigje.
Gazetarja: Ku ishte Laerti?
Babai: Në rrugë të zotit ka qenë o motra ime. Nuk ka qenë asnjë person i rrezikshëm për ta trajtuar në ato lloj formash.
Gazetarja: A ka pasur djali yt probleme shëndetësore?
Babai: Jo asgjë. Djali ka qenë 2 metra si luan.
