Prej ditës së sotme, e tërë Shqipëria kalon nën monitorim satelitor. Lajmin e bën të ditur ministri i Mbrojtjes Peleshi, i cili përmes një konference për shtyp nga selia e kryeministrisë, deklaroi se do nënshkruhet me operatorin “Satelogic” SHBA” kontrata e shërbimit satelitor në fushën e mbrojtjes dhe sigurisë, për monitorimin me teknologji të avancuar të territorit të Shqipërisë.
Peleshi sqaroi se kjo kontratë ka vlerën e 6 milionë dollarëve dhe konsiston në përdorimin eksluziv të dy satelitëve Albania 1 dhe Albania 2, për një periudhë 3 vjecare.
Prej satelitëve do të marrin informacion një sërë institucionesh, përfshi MInistrinë e Punëve të Brendshme, që do të informohet për kultivimin e bimëve narkotike, shfrytëzimin apo prerjen e paligjshme të pyjeve, gjuetinë e paligjshme, shkatërrimin e shtratit të lumenjëve, shfrytëzimet e paligjshme të burimeve natyrore në zonat e mbrojtura, kalimin e paligjshëm në pikat kufitare, ministrinë e Bujqësisë që do të informohet mbi peshkimin detar, kontrollin e ujërave, rrjetin e kanaleve ujitëse, kulluese etj, e po ashtu edhe ministria e Turizmit, që do të marrë informohet mbi hartografimin e ngjarjeve pyjore, si zjarre, prerje të paligjshme, në funksion të parandalimit të tyre
Ndërkaq, Agjencia Kombëtare e Mbrojtjes Civile, do të infermohet prej sateliteve mbi rrëshkitjet e tokës, lëvizjet e strukturave të rëndësisë së veçantë, si diga, ura etj, për nivelin e ujit në liqene, basenet, lumenjtë, numrin e godinave të shembura, sipërfaqen e zonava të përmbytyra, sipërfaqen e zonave të djegura, rrugët e bllokuara, sipërfaqet e mbulluara nga bora, trashësinë e borës, rënien e ortekëve, në mënyrë marrjen e masave parandaluese apo ndërhyrhes së shpejtë.
Sa më poshtë, fjala e plotë e ministrit të Mbrojtjes Peleshi.
