Një ngjarje shokuese ka lënë pa fjalë opinionin publik ditën djeshme, ku një 20 vjecare, mbërritur mes dhimbjeve të forta në Urgjencën e QSUT-së, ka lindur në tualetet e këtij institucioni.
Nga deklarata e Shoqatës së Infermierëve të Shqipërisë, bëhet me dije se e reja nuk e ka ditur që ishte shtatëzanë, duke mos informuar si rrjedhojë as stafin mjekësor, i cili nga ana e tij, po ashtu nuk ka kuptuar asgjë që e reja ishte shtatëzënë, duke e lejuar atë të lindte një foshnjë në tualet.
Në njoftimin e Shoqatës së Infermierëve, bëhet me dije se tashmë e reja bashkë me fëmijën janë transportuar tashmë në ambientet e maternitetit, ku edhe ndodhen nën kujdesin e mjekëve.
Njoftimi i plotë i Shoqatës së Infermierëve:
Pas ngjarjes së ndodhur mbrëmjen e djeshme në Urgjencën polivalente të QSUT-së, ku një e re rreth moshës 20 vjeçare e paraqitur me dhimbje barku lind në tualetin e Urgjencës, Shoqata e Infermierëve vajti në Urgjencë, ku mori informacionë të mëtejshme të një rasti të rrallë të ndodhur në Shqipëri.
Stafi deklaroi që vajza sapo është paraqitur në Urgjencë ka deklaruar për dhimbje të forta barku dhe fryrje barku, dhe direkt është drejtuar për në tualetin e Urgjencës, ku në pak minuta dhe ka kryer një lindje në ambjentet e tualetit.
Pas ndihmës së dhënë aty, e reja bashkë me fëmijën është shoqëruar në ambjentin e sallës së kirurgjisë, ku është bërë dhe trajtimi i mëtejshëm dhe ku është kryer edhe prerja e kordonit të bebit e më pas është njoftuar stafi i maternitetit, të cilët janë paraqitur dhe kanë transportuar në ambjentet e maternitetit nënën me fëmijen e saj.
I gjithe stafi ka mbetur i shtangur kur nëna kishte deklaruar që nuk ishte në dijeni të një shtatzanie, e cila ka sjell një reagim të madh në mes stafit dhe familjarëve të vajzës.
Gjithësesi i urojmë shëndet të mirë nënës dhe fëmijes, dhe pse një ngjarje e tillë është një këmbane alarmi për rininë shqiptare.
Shoqata e Infermierëve të Shqipërisë
