Kryeministri hungarez Viktor Orban për herë të katërt në detyrë përgjatë zgjedhjeve që u mbajtën këto ditë në Hungari.
Në deklaratat e bëra pas shpalljes së rezultateve paraprake, Victor Orban e ka cilësuar këtë fitore të si më të rëndësishmen e të gjithave, për shkak se, siç u shpreh ai “na ishin vënë të gjithë kundër, dhe ne fituam kundër të gjithëve”.
Fitova një mandat për të qeverisur sërish, u shpreh Orban pas fitores. Sipas rezultateve, që nuk janë ende përfundimtare, mbi 70% e votave të koalicionit të partive të qeverisë Fidesz dhe kristian-demokratëve të KDNP-së, është në avantazh me rreth 55% të preferencave, ndërkohë që gjashtë partitë e opozitës, bërë së bashku në një listë të unifikuar, kapin rreth 32-33% të votave.
Sipas ekspertëve të politikës hungareze, me një rezultat të tillë, Orbani dhe aletatët e tij do të marrin në parlamentin e ri 134 karrige, nga 199 që janë gjithësej, kurse për kundërshtarët e tij, prirë nga ultra-katoliku europian Peter Marki-Zay, do të mbeten 58.
Në deklaratën pas fitores, Orban nuk ngurroi të përmendte edhe të gjithë “kundërshtarët” e vet, përfshi edhe presidentin ukrainas Zelenskin, “burokratët e Brukselit”, “perandorinë e Sorrosit” dhe “mediat ndërkombëtare”, duke e cilësuar këtë fitore si të jashtëzakonshme e si një sinjal të qartë për Bruksein.
Fitorja jonë është kaq e madhe, tha mes të tjerave Orban, sa mund të shihet edhe nga Hëna,. Imagjino nga Brukseli.
