Dorëheqja e kreut të qeverisë Basha ka mobilizuar demokratët e të dyja kahëve për bashkimin e dy grupimeve shkaktuar tashmë nga përcarja Basha- Berisha.
Një nga pikat e lexuara prej Alibeajt, në deklaratat publike pas dorëheqjes së Bashës, ishte edhe pika ku pala e Bashës (nën drejtimin e Alibeajt tashmë) kërkonte mospërfshirjen e mëtejshme në vendime, të liderit historik Sali Berisha, një kërkesë kjo e cila duket se nuk do të gjejë kompromis.
Në deklaratën e bërë dje përpara mediave, Berisha deklaroi se ishte i vendosur për bashkimin e Partisë Demokratike, e se PD-ja do të rikthehej më e fortë se kurrë.
“Sic e dini Basha është i shkarkuar nga Kuvendi Historik i 11 dhjetorit dhe nga referendumi i datës 18 dhjetor. Për Partinë Demokratike kanë votuar për shkarkimin e tij 4446 delegatë dhe 44 mijë anëtarë të PD-së. Duke theksuar këtë, ne jemi te vendusur të punojmë për bashkimin e PD, me të gjithë ata që besojnë se vota e lirë e anëtarëve të saj mund ta bashkojë atë, dhe mund t’ju them se ka një mirëkuptim të gjerë gjatë këtyre ditëve për këtë vendim. Selia është e PD-së, dhe kjo nuk ka asnjë mëdyshje, jemi në proces e sipër të të gjitha vendimeve që do merren dhe PD-ja do bashkohet e do shndrohhet në një forcë politike që nuk e ka pas Shqipëria më të fortë ndonjëherë”, tha mes të tjerave Berisha.
