Ministri i Punëve të Jashtme Sergei Lavrov ka deklaruar se një marrëveshje mbi neutralitetin e Ukrainës, mund të jetë e mundur së shpejti.
Përgjatë një interviste për RBC News, Lavrov është shprehur se shpresat për të mbërritur një kompromis janë të mëdha, edhe pse negociatat me Ukrainën nuk janë aspak të thjeshtë.
“Statusi neutral po diskutohet vërtet seriozisht nga të dyja palët, dhe natyrisht edhe garancitë e sigurisë. Për këto jemi duke diskutuar tani në bisedime. Janë bërë formulime absolutisht specifike, dhe, për mendimin tim, palët janë afër marrëveshjes”, mësohet të jetë shprehur mes të tjerave Sergei Lavrov.
