Ana është një vogëlushe që i do shumë librat dhe lexon çdo çast: lexon sapo hap sytë në mëngjes, përpara se të flejë, bën sikur fle, por sapo largohen prindërit, nxjerr librin nga poshtë shtrojeve dhe lexon sërish. Prej librave ka zënë shumë miq, por, natyrisht, ka bërë edhe ndonjë armik.
Një ditë, teksa ndodhet në bibliotekë, ajo kupton se disa libra rrezikojnë të vjetrohen, dhe shqetësimi që i buit në mendje, është si të mos i lejojë ata libra të humbasin, sepse të gjithë duhet t’i lexojnë historitë e tyre.
Në ndihmë i vjen bibliotekarja, por edhe një libër magjik, i cili nuk ka mbyllje.
Kështu vogëlushja Anë nis një sfidë të re, për t’i gjetur librit përmbylljen e vet. Dhe është pikërisht ky rrugëtim, që e ndihmon të zbulojë jo vetëm autorin e panjohur të librit, por edhe veten, në një rrëfim plot magji e aventura, sikur edhe bota e bukur e fëmijëve, me ëndrrat dhe dëshirat e tyre.
Libri vjen nën firmën e Klaus Hagerup, një prej autorëve më në zë norvegjez, i cili njihet për fantazinë brilante me të cilat i ngjiz rrëfimet, pasuruar prej imazheve mbreslënëse të Lisa Aisatos
