Investitori miliarder George Soros i ka kaluar të birit 37 vjeçar, Alexander Soros, kontrollin e perandorisë së tij 25 miliardë dollarëshe.
Lajmin e jep Wall Street Journal, përmes një interviste me trashëgimtarin e ri të manjatit amerikan. Financieri dhe filantropi i cili më 1992-in fitoi 1 miliardë dollar në mënyrë spektakolare, duke iu kundërvënë stërlinës dhe rrënuar Bankën e Anglisë, në atë që mbahet mend si “e mërkura e zezë”, ka caktuar të birin e vogël si president të Fondacionit të tij “Shoqëria e hapur”.
Bëhet fjalë për një prej fondacioneve filantropike më të pasura të botës, aktiv në mbi 120 vende në tërë botën, që dhuron rreth 1.5 miliartë dollar në vit, për të mbështetur të drejtat njerëzore dhe promovuar rritjen e demokracive në të tërë botën.
37 vjeçari Alex Soros u shpreh për gazetën WSJ, se është më politik se i ati 92 vjeçar, duke theksuar gjithësesi, se “të dy mendojnë në të njëjtën mënyrë”.
Mes të tjerave, në këtë intervistë, Alex Soros shprehet se dëshiron t’i zgjeronte edhe më tej “objektivat liberale” të të atit, duke përqafuar çështje të ndryshme, mes së cilave të drejtën e votës e të abortit, e po ashtu edhe barazinë gjinore.
Kohët e fundit, nga sa raportojnë mediat e huja, Alex Soros është takuar me funskionarë të administratës Biden, liderin e maxhorancës së Senatit Chuck Schumer, presidentin Luiz Inácio Lula dhe kryeministrin Kanadez Turdeau/ MetropolPost.al
