Përgjatë podkastit të tij të radhës, teksa fliste me botuesen Arlinda Dudaj, njëkohësisht edhe botuesja e romanit të tij Kurbani, kreu i qeverisë Rama ka deklaruar se edhe ai vetë është habitur nga gjërat e shumta kulturore që ndodhin në Shqipëri.
“Edhe unë për veten time për shembull jam befasuar“, iu drejtua kreu i qeverisë botueses Dudaj.“Do thuash ti, po pse edhe ti! Unë i ndjek shumë të dhënat e sektorëve etj-etj, por kur kemi bërë këtë kalendarin artistik të turizmit, ku hyn edhe pjesa e krijimtarisë, pjesa e shfaqjeve, pjesa e aktiviteteve, janë qindra e qindra aktivitete që janë duke u zhvilluar e që do të vazhdojnë të zhvillohen. Janë mbi një mijë në vit, por gjëja që ne duhet që nga viti i ardhshëm, se nuk ka pasur më përpara, edhe kalendari është një gjë që e kemi sjellë ne, tani po merr një formë më të strukturuar, tani është dhe një aplikacion, TEA, që është falas në çdo kënd që e shkarkon dhe që të jep në mënyrë konstante info se çfarë po ndodh aktualisht rreth e rrotull Shqipërisë dhe i ka me kategori. Dhe këtu luajnë një rol bashkitë, por duhen stimuluar edhe bashkitë, që të kemi çmime, të kemi festival, një festival të poezisë shqipe, një festival po themi të librit për fëmijë, një çmim të autorit x, një trofe të autorit y, që i bëjnë shumë bukur italianët në periudhën e verës, për ata që interesohen e ndërkohë u japin edhe mundësi këtyre njerëzve të promovohen, tha mes të tjerave Rama, i cili, deklaroi po ashtu se po punohet me Bashkinë e Tiranës, për të hapur një qendër panairesh“.
