“Nuk jam bërë pishman për vaksinat. Nuk kam përse”. Ka qenë kjo deklarata e kryeministrit Rama i cili i njohu katërcipërisht meritën vetes, për ardhjen e asaj sasie të madhe vaksinash dhe nisjen e vaksinimit masiv.
Kineze nuk ka në pazar, tha Rama duke drejtuar gishtin nga vetja, e ka sjellë ky njeriu këtu. Ne vaksinën e kemi marrë nga Turqia, jo nga Kina. Nuk është se ne i kishim dhe thamë nuk i duam. Ka ndryshuar dinamika, por të flitet për pendesë, hajde t’i themi Angela Merkelit, je penduar ti që nuk e more vaksinën ruse? Dhe tani Angela Merkel, shefja e botës, thotë ne do ta marrin vaksinën ruse edhe sikur EMA të mos e çertifikojë. Edhe, në një dinamikë të tillë, kur nuk ka, do marrësh ça të mundesh. Mos mendo se nuk ka që nuk i kërkojnë, ka, po nuk i marrin. Është shumë e thjeshtë, ju doni të krahasoheni me Francën e Gjermaninë, edhe kur flisni për fabrikat. Këto krahasime nuk funksionojnë. Unë krahasimin e kam me rajonin. Në këtë rajon janë vetëm 2 vende që kanë siguruar vaksimin masiv, një vend është që ka mjeshtërinë e lojës me 17 porta, që është Serbia dhe një është Shqipëra, që nuk luan me 7 porta, por ka vetëm një politikë të jashtme, që sjell vaksina për të shpëtuar jetë. Jo s’jam penduar, por nuk kam arsye pse. Nuk jam penduar sa u takon këtyre vaksinave, se s’kam përse. Tek vaksina ju them të gjithëve që Turqia vazhdon të vaksinojë me të njëjtën që ne kemi sjellë në Shqipëri. Përrallat që kjo vaksinë nuk bën… Kina, nuk është se ka thënë që nuk vaksiohet mbi 60 vjeç, ky është një monstruozitet i profesor doktor Sali Salihit. Kina ka pasur një tjetër strategji. Ka vaksinuar krahun e punës, ka ndjekur politikë tjetër, ata që janë më të moshuar i lënë për më mbrapa, edhe po ikën ca më shumë, jemi një miliardë e ca nuk ka problem. Kina ka filluar të vaksinojë tani me mbi 60. Turqia me këtë vaksinë ka vaksinuar intensivisht, duke filluar nga 90 80, 70,60, 50 e poshtë dhe ka sukses të plotë .
