I pyetur në Vlorë nga përfaqsues të sektorit të turizmit, se si kishte ndërmend qeveria ta ndihmonte në vijim sektorin e turizmit aq të prekur prej pandemisë, Rama u përgjigj se qeveria e ka ndihmuar në mënyrë të drejtëpërdrejtë këtë sektor, qysh me bërjen e tvsh-së 6%.
Dje isha me një operator turistik, u shpreh ai, dhe jashtë kamerave më konfirmoi atë që unë di, që sezoni i kaluar nuk ishte me humbje. Buzëqeshja jote ma konfirmon këtë gjë, por ti nuk duhet ta thuash këtë, se në kamera nuk thuhen këto gjëra, se në kamera duhet përdorur koha për t’u ankuar për qeverinë, por unë besoj se sektori i turizmit është një sektor që është realisht e ardhmja dhe që ka një potencial të jashtëzakonshëm. Investimet në turizëm do kthehen më shumë se në çdo sector tjetër në formën e të ardhurave për investitorët. Kërkon kohë, por kështu do ndodhë, dhe ajo që ne duhet të bëjmë, është të bashkëpunojmë më shumë për të rritur kapacitetet e shërbimit. Sa përket ndihmës direkte, unë besoj që ne e kemi ndihmuar sektorin ne mënyrë të drejtëpërdrejtë, duke ia bërë tvsh 6%. Më kujtohet kur vinin e na ankoheshin operatorët turistikë, kur na thoshin aman na i bëni 8 se nuk do anokohemi më, dhe ne thamë, epo mirë, po ua bëjmë 6 % , dhe u gëzuan të tërë. Dhe këta thoshin duhet mbyllur Ministria e Turizmit tani, unë u thosha jo, se tani do shtohet ankesat, se oreksi vjen duke ngrënë. Fakti që ne nuk e mbyllëm kufirin me Kosoven dhe që qytetarët shqiptare ndenjën brenda kufijve, bënë që hotelet të ishin plot.
Rama theksoi gjithashtu se sezoni i vjetshëm, qe edhe një provë e faktit se sa harxhohen nga Shqiptarët e Shqipërisë për turizëm, e se sa pak e njohin shqiptarët Shqipërinë.
Kjo qe edhe një provë e faktit se sa shumë para harxhohen nga shqiptarët e Shqipërisë për turizmin, që shkojnë jashtë. Dhe tjetra, ajo që e ka ndihmuar sektorin, është që ata që janë mësuar të venë në Budva, Greqi etj, njohën Shqipërinë. Blendi Fevziu që njeh ndenjësen e dreqit nëpër glob, që ka hobin të ngulë flamurin si turist global, njihte Shqipërinë e 7 viteve më pare. Më thotë e ke parë si është bërë, jo i them, çne. Dhe ai bëri një shërbim të madh duke i nxjerrë, se nuk ke ku i sheh, se lajmet merren me Shpëtim Idirizin. Shpëtim Idrizi tha! Lajm është ky! Shpëtim Idrizi foli me Lulëzim Idrizin. Lajm është ky! […] Takoj dikë në Përmet, nuk ia them emrin se nuk i kam marrë leje. Jam habitur sa e bukur është Shqipëria, më tha, dhe tërë këtyre ditëve, po them shyqur që ra pandemia, që po shoh Shqipërinë. Sa e bukur qe bërë Tepelena. Madje fakti qe janë bërë të bukura, ka sjell efekt negative, se ka fluks. Rasti i Korçës për shembull, ku nuk ka vende.
Unë nuk kam dalë të bëjë fushatë, vazhdoi ai drejtuar grupeve të interesit në Vlorë. Ne nuk kemi gjëra për të premtuar, kemi gjëra për të bërë, se janë nisur dhe duhen bërë. Por një gjë është e sigurt: kush do tramvaj, të mos na votojë. Ne nuk do ndërtojmë tramvaj në Vlorë. Kush u thotë do bëj tramvaj, mos e besoni, ju genjen, po e tha Leskua besojeni, jepini votën, tramvaj nuk do keni, po ata e thonë, ne do themi vetëm ato që do bëjmë dhe po bëjmë se nuk ka asgjë qe po nis nga hiçi.
