Teksa Hollanda shkon në prag të gjysmë mbylljes për hir të numrit të shtuar të të infektuarëve me kovid19, dy mbretërit e saj, mbreti Willem-Alexander dhe bashkëshortja e tij Maxima, u nisën të pushonin në Qipro, prej nga u detyruan të ktheheshin brenda njëzet e katër orëve. Dy mbretërve iu kundërvunë për këtë udhëtim jo vetëm media, por edhe parlamenti e populli, të cilët përgjithësisht tregohen tolerantë me ta.
Me t’u kthyer në pallat, ata bënë një deklaratë zyrtare ku njoftuan se po i ndërprisnin pushimet për hir të reagimeve të njerëzve.
Situata detyroi edhe kryeministrin e vendit, Mark Rutte, përgjegjës për marrëdhënien me sovranët, të bënte një autokritikë publike, ku shprehej se ai qe në dijeni për udhëtimin e tyre, por s’kishte ndërhyrë për t’i ndaluar, dhe e kishte kuptuar tepër vonë që udhëtimi i tyre qe i gabuar.
Ndërkaq polemikat vazhdojnë: është hera e dytë brenda pak muajve, që mbretërit e Hollandës përfundojnë në shënjestrën e opinionit publik. Në gusht, ata u kritikuan për shkak të një fotoje, që i dëshmonte shumë pranë pronarit të një restoranti.
