Situatë e tensionuar sot në aeroportin ndërkombëtar “Nënë Tereza”. Shkak ka qenë mungesa e stafit të Albcontrol, për shkak të firmosjes nga ana e mbi 65 punëtorëve të saj, të deklaratës për paaftësi të përkohshme në punë.
Situata ka ardhur si pasojë e pushimit nga puna të 5 kolgëve në Albcontrol, me të cilët janë solidarizuar edhe pjesa tjetër, duke lënë në punë vetëm 5 punonjësit e turnit, të cilët në fakt janë dorëzuar edhe ata, duke thënë se nuk munden ta përballojnë gjithë ngarkesën vetëm.
Punëtorët e Albcontrol kanë hyrë në grevë, dhe disa nga pakënaqësitë e tyre janë ulja e pagave me 20%, si stresi i madh në punë.
Mbrëmjen e djeshme u përfol një deklaratë e ministres Balluku mbi këtë qe shprehur mbi mundësinë e një deklarate mbi këtë çështje, gjë që nuk ndodhi, e që me gjasa pruri dhe ngërçin e sotëm në fluturimet e aeroportit ndërkombëtar “Nënë Tereza”.
Nuk dihet ende se sa mund të zgjase kjo situatë e tensionuar. Ajo që dihet, është që mungesa e punonjësve të Albcontrol, mund të fusë në krizë gjithë fluturimet në aeroportin “Nënë Tereza”.
