Aeroporti Ndërkombëtar i Tiranës “Nënë Tereza” ka njoftuar sot për ndërprerjen e operimeve në këtë aeroport, për hir të mungesës së stafit në Agjencinë e Trafikut të Kontrollit Ajror.
Sot, më 7 Prill 2021, nga ora 9.23 deri në ora 09.55, orë lokale, shkruhet në faqen zyrtare të aeroportit, janë ndërprerë operimet në Aeroportin Ndërkombëtar të Tiranës, për shkak të mungesës së stafit në Agjencinë e Trafikut të Kontrollit Ajror. Dy fluturime janë prekur nga ky fakt, Aegean Airline me destinacion Athinë-Tiranë dhe Air Albania me destinacion Stamboll-Tiranë, që do të ketë 40 minuta vonesë. Aegean Airline është kthyer sërish në Athinë. Operimet kane rifilluar normalisht në 09.55 dhe Aegean pritet të riniset për të sjellë pasagjerët në Tiranë.
Nuk dihet ende se cfarë e ka shkaktuar këtë mungesë stafi në Agjencinë e Trafikut të Kontrollit Ajror, ashtu siç nuk dihet nëse mungesa e tij, do të krijojë problematike të tjera si ato të mëngjesit.
